No día de onte, a valedora do pobo Dolores Fernandez Galiño e a asesora da institución Mar Barcón deron unha charla no Instituto de Educación Secundaria Enrique Muruais da Pontevova enmarcada no programa Edu Referentes da Asociación Executivas de Galicia, que pretende mostrar referentes femininos que sirvan como exemplos para as xeracións novas na súa actividade profesional, para que se dea visibilidade ás numerosas mulleres profesionais galegas que son referentes nos seus respectivos sectores.